خبرونه

د نويو گومارليو کارکوونکيو له پاره روزنيز پروگرام
20 عقرب 1399

د ماليې وزارت د عوايدو لوی رياست د تعهد (وړ کارکوونکيو ته د چارو سپارل) له مخه د مالياتي قوانينو، طرزالعملونو او د عوايدو لوی رياست د چارو د مېتود اړوند د جديدالتقرر کارکوونکيو د پوهې د کچې لوړوالي په موخه د ماليې وزارت د بشري سرچينو رياست سره په همغږۍ نن د سه‌شنبې پر ورځ د ۱۳۹۹ لمريز کال د لړم مياشتې پر ۲۰ نېټې د گمرکاتو او مالياتي آکاډمۍ کې دوه ورځنی روزنيز پروگرام جوړ شو.
د ولايتونو له مستوفيانو سره د گمرکونو او عوايدو معين ويډيو کنفرانس
20 عقرب 1399

د ماليې وزارت د گمرکونو او عوايدو معين ښاغلي محمد عيسیٰ قدرت د ملي عوايدو د لوړولو، د مسلکي خدمتونو د وړاندې کولو او د ولايتونو د مستوفيتونو د چارو د ښه کولو په موخه نن د دوشنبې پر ورځ د ۱۳۹۹ لمريز کال د لړم مياشتې پر ۱۹ نېټه له ټولو ښاغليو او آغلو مستوفيانو سره د ويډيو کنفرانس له لارې په اړيکه کې شو او لاندېنۍ لارښوونې يې له هغوی سره شريکې کړې.
د ټاکلي عوايدي هدف د تر لاسه کولو په اړه غونډه
13 عقرب 1399

د عوايدو لوی رئيس ښاغلي ډاکټر ميرويس بهيج د ۱۳۹۹ لمريز کال د لړم مياشتې پر دولسمې نېټې د دوشنبې پر ورځ د کوچنيو ماليه ورکوونکيو رئيسې آغلې ناهيد ناجي روزبه او د دغه رياست د مالياتي حوزو له آمرينو او کارکوونکيو سره وليدل.
د مخابراتي شرکتونو استازيو ته د ارزښت پر زياتوالي د ماليې قانون په اړه عامه پوهاوی ورکړل شو
4 عقرب 1399

د مخابراتي شرکتونو (افغان بيسيم، افغان ټيليکام، اتصالات، اېم ټي اېن او روښان) د يوه گډ سند له مخه غوښتي وو چې د دوی استازيو ته دې د يوه روزنيز ورکشاپ په ترڅ کې د ارزښت پر زياتوالي باندې د ماليې قانون په اړه عامه پوهاوی ورکړل شي.
د ځينو ولايتونو له مستوفيانو سره د عوايدو لوی رئيس ویډیو کنفرانس
19 میزان 1399

د ماليې وزارت د عوايدو لوی رئيس ښاغلي ډاکټر ميرويس بهيج په دغه ويډيو کنفرانس کې چې د ۱۳۹۹ لمريز کال د تلې مياشتې پر نولسمه نېټه ترسره شو، له مستوفيانو سره يې د ولايتي عوايدو د پلان د تطبيق د اړوندو لارو چارو، د ولايتي عوايدو د تنقيص د حلولو، بررسۍ، د ولايتي عوايدو کمېټې، د مالي کال تر پايه د مالياتي باقياتو د راغونډولو، د پلازمېنې کابل او ولايتي مالياتي ادارو د اجرااتو د يو ډول کولو او د غوره خدمتونو د وړاندې کولو او ښه‌والي په موخه هراړخيزې خبرې وکړې.
د عوايدو لوی رئيس د افغانستان د رغاونيزو شرکتونو ټولنې له رئيس او غړيو سره وليدل
15 میزان 1399

د عوايدو لوی رئيس ښاغلي ډاکټر ميرويس بهيج د ۱۳۹۹ لمريز د تلې مياشتې پر پېنځلسمه نېټه (د سه‌شنبې پر ورځ) د افغانستان د رغاونيزو شرکتونو ټولنې له رئيس ښاغلي حميدالله حبيبي او د دغې ټولنې له غړيو سره د گمرکونو او عوايدو معينيت د غونډو په تالار کې وليدل.
د محاسبې، بررسۍ، مالياتي عوايدو او د چارو د ارزونې روزنيز پروگرام لومړی پړاو پای ته ورسېد
7 میزان 1399

د محاسبې، بررسۍ، مالياتي عوايدو او د چارو د ارزونې لس ورځنی روزنيز پروگرام چې د ۱۳۹۹ لمريز د وږي مياشتې پر نهه ويشتمې نېټې پيل شوی ؤ، نن د دوشنبې پر ورځ گډونوالو ته د تصديقليکونو پر وېش پای ته ورسېد.
د مالياتي محاسبينو له پاره رقابتي ازموينه واخيستل شوه
3 میزان 1399

نن (د ۱۳۹۹ لمريز د تلې مياشتې پر درېيمه) د ماليې وزارت د گمرکاتو او مالياتو آکاډمۍ د غونډو په تالار کې د مالياتي محاسبينو له پاره له دوه اوياؤ غوښتونکيو څخه رقابتي ازموينه واخيستل شوه.
گڼو ماليه ورکوونکيو ته پر زياتي ارزښت د ماليې قانون په اړه پوهاوی ورکړل شو
2 میزان 1399

د ۱۳۹۹ لمريز کال د تلې مياشتې پر دويمه نېټه د يوه روزنيز ورکشاپ په ترڅ کې د بېلابېلو شرکتونو او اصنافو استازيو ته پر زياتي ارزښت د ماليې قانون او د دغه قانون د اړوندو مواردو په اړه د گمرکاتو او مالياتو آکاډمۍ پوهاوی ورکړل شو.
د محاسبې، بررسۍ، مالياتي عوايدو او د چارو د ارزونې روزنيز پروگرام پرانستل شو
29 سنبله 1399

د عوايدو لوی رياست د ماليه ورکوونکيو د مالياتي دوسيو د دقيقې بررسۍ پر بنسټ د ملي عوايدو د لوړولو په موخه د “محاسبه، بررسۍ، مالياتي عوايد او د چارو ارزونه” تر سرليک لاندې لس ورځنی روزنيز پروگرام د لومړي ځل له پاره د روان ۱۳۹۹ لمريز کال د وږي مياشتې پر نهه‌ويشتمې نېټې د مرکز او ولايتونو د بررسانو د وړتياؤ د لوړاوي په موخه د ماليې وزارت د گمرکونو او مالياتو آکاډمۍ کې جوړ شو.