د مالياتي محاسبينو له پاره رقابتي ازموينه واخيستل شوه
3 میزان 1399
نن (د ۱۳۹۹ لمريز د تلې مياشتې پر درېيمه) د ماليې وزارت د گمرکاتو او مالياتو آکاډمۍ د غونډو په تالار کې د مالياتي محاسبينو له پاره له دوه اوياؤ غوښتونکيو څخه رقابتي ازموينه واخيستل شوه.
د ماليې وزارت د عوايدو لوی رياست د حقوقي خدمتونو رئيس ښاغلي عبدالولي نوري د رقابتي ازموينې د جوړولو له امله خوښي څرگنده کړه او د ازموينې د مېتود او د پوښتنو د ډولونو په اړه گډونوالو ته هراړخيز معلومات وړاندې کړل.
د ازموينې د پايلو تر اعلان وروسته به هغو گډونوالو ته چې په رقابتي ازموينې کاميابېږي، تصديقليکونه ورکړل شي.