خبرونه

د افغان پُست شرکت له ليارې د مالیه ورکوونکيو د تصفیې مکتوبونو د وېش لړۍ ډېر ژر پيلېدونکې ده
17 حوت 1399

د مالیې وزارت د عوايدو لوی رياست اړوند د منځنیو مالیه ورکوونکيو رئيس حبیب الله امین اندړ او د افغان پُست شرکت لوی رئيس احمد وحید ویس د افغان پُست شرکت له لیاري د مالیه ورکوونکيو د تصفیې مکتوبونو د وېش لړۍ په اړه ناسته وکړه.
د ماليې سرپرست وزير: پر زياتي ارزښت باندې ماليه او قانون يې سل په سلو کې تطبيقېږي
13 حوت 1399

د ۱۳۹۹ لمريز کال د کب پر يوولسمې نېټې (د دوشنبې پر ورځ) د گمرکونو او عوايدو معينيت د غونډو تالار کې پر زياتي ارزښت باندې د ماليې د رهبرۍ کمېټې غړيو د ماليې سرپرست وزير ښاغلي محمد خالد پاينده تر رياست لاندې نوبتي غونډه وکړه چې د دغې ماليې پر اړوندو مسئلو باندې هراړخيز بحثونه ترسره شول.
د کابل ولسواليو د عوايدي پلان او موخو په اړه غونډه وشوه
25 دلو 1399

په ۱۴۰۰ مالي کال په راڼه، پر خپل وخت او بشپر ډول د عوايدي هدف تر لاسه کول د عوايدو لوی رياست له اصلي اهدافو څخه گڼل کېږي او له همدې امله د ۱۳۹۹ لمريز کال د سلواغې مياشتې پر پينځه ويشتمې نېټې د کابل ولسواليو د عوايدو کارکوونکيو سره د گمرکونو او عوايدو معينيت کې ليدنه ترسره شوه.
د برېښنايي سيسټمونو د تړلو له پاره د همکارۍ هوکړه ليکونو لاسليک
22 دلو 1399

د ۱۳۹۹ لمريز کال د سلواغې مياشتې پر شلمې نېټې د ماليې وزارت، د سوداگرۍ او صنعت وزارت، د کورنيو چارو وزارت او احصائيې ملي ادارې تر مينځ په هېواد کې د خصوصي سکټور د لا ودې په موخه د کاري پروسو د اسانتيا او اړتيا وړ معلوماتو د شريکولو له پاره د برېښنايي سيسټمونو د تړلو د همکارۍ څلور هوکړه ليکونه لاسليک شول.
د سوداگريزو جوازونو د لغوه کولو د بهير د لنډولو په اړه غونډه وشوه
9 جدی 1399

د ۱۳۹۹ لمريز کال د مرغومي مياشتې پر نهمې نېټې د سوداگريزو جوازونو د لغوه کولو د پروسې د لنډولو په اړه له اړوندو ادارو سره يوه گډه غونډه ترسره شوه.
د عربي متحده امارات سره هوکړه ليک
4 جدی 1399

د ماليې وزارت د عوايدو لوی رياست د مالياتي فرار او د مضاعف ماليې د ورکړې د مخنيوي له پاره د عربي متحده امارات سره يوې هوکړې ته رسېږي.
د برېښنايي تادياتو په دويم نندارتون کې د عوايدو لوی رياست گډون
4 جدی 1399

د عوايدو لوی رياست د روڼتيا رامينځته کولو او د ماليه ورکوونکيو د وخت د ضايع کېدو د مخنيوي له پاره په دې وروستيو کې مالياتي سيسټم (SIGTAS) د افغانستان بانک د (APS) او (ATS) سيسټمونو سره په برېښنايي بڼه د مالياتو د ورکړې په پار او د مرکزي ثبت او فکري مالکيت لوی رياست (ACBR) سره په برېښنايي بڼه د مالياتي تصفيې د لومړني تصديقليک (e-TCC) د صدور په پار په بري سره تړلی او نښلولی دی.
د مالياتو د برېښنايي ورکړې روزنيز ورکشاپ
3 جدی 1399

۳ مرغومی ۱۳۹۸ لمريز – د ماليې وزارت د عوايدو لوی رياست د عامه پوهاوي آمر نجيب الله نايل او د اړوند رياست د عوايدو د سيسټم رياست د مالياتي سيسټمونو کارپوه او تحليلگر ايمل سمسور له لوري د لويو ماليه ورکوونکيو رياست د شاوخوا سلو کارکوونکيو ته د مالياتو د برېښنايي ورکړې په اړه روزنيز ورکشاپ ورکړل شو.
مجیب الرحمن شېرزاد د مالیې وزارت د گمرکونو او عوايدو معین وټاکل شو
2 جدی 1399

ښاغلی مجیب الرحمن شېرزاد چې په دې وروستیو کې د ولسمشرۍ عالي مقام د حکم پر بنسټ د گمرکونو او عوايدو معین ټاکل شوی، نن د مرغومي میاشتې پر لومړۍ نېټې د مالیې وزیر ښاغلي عبدالهادي ارغندیوال له لوري د دې وزارت کارکوونکيو ته وروپېژندل شو.
۴۱ کسانو ته د مالياتي محاسب بريليکونه ووېشل شول
20 عقرب 1399

د مالياتي محاسبينو د دويم پړاو په ازموينې کې چې د کمېشنکارانو د مخنيوي، اصلاحاتو، د ماليه ورکوونکي د ماليو د سنجونې د روڼتيا او ځواب ورکولو په موخه جوړه شوې وه، په دغې ازموينې کې ۴۱ تنه بريالي شول او نن د سه‌شنبې پر ورځ د ۱۳۹۹ لمريز کال د لړم مياشتې پر ۲۰ نېټې د گمرکونو او عوايدو معينيت د غونډو په تالار کې ورته د مالياتي محاسب بريليکونه ورکړل شول.