د عربي متحده امارات سره هوکړه ليک
4 جدی 1399
۴ مرغومی ۱۳۹۹ لمريز
د ماليې وزارت د عوايدو لوی رياست د مالياتي فرار او د مضاعف ماليې د ورکړې د مخنيوي له پاره د عربي متحده امارات سره يوې هوکړې ته رسېږي.
د خبرو اترو لومړي پړاو چې د روان لمريز کال د مرغومي مياشتې پر درېيمې او څلورمې نېټو د ويډيو کنفرانس په مټ جوړ شوی ؤ، لومړنۍ مسوده چمتو کړه او د خبرو اترو دويم پړاو به د دواړو هېوادونو تر کورنۍ مشورې وروسته د راتلونکې فبرورۍ مياشتې کې ترسره کېږي.
د يادولو وړ ده چې د دغه هوکړه ليک په لاسليک کولو سره د دواړو هېوادونو پانگوالو ته زياتې اسانتياوې رامينځته کېږي او هېواد ته د بهرنۍ پانگونې د راجلبولو لامل گرځي.