د اصنافو استازيو او د جايدادونو مالکينو ته د مالياتو د پوهاوي ورکشاپ جوړ شو
29 جدی 1398
د مالياتي اوونۍ د نمانځونکيو مراسمو او د مالياتو د عامه پوهاوي د ورکشاپونو په لړ کې نن د کابل ښار د يوولسمې ناحيې د مريم لېسې اړوند په جمهوريت کې د بېلابېلو کسبونو استازيو او د جايدادونو مالکينو ته د مالياتو د عامه پوهاوي ورکشاپ جوړ او ورکړل شو.
دغه ورکشاپ چې د کوچنيو ماليه ورکوونکيو رياست د شمال زون آمر محمد زبير مومند او د يوولسمې مالياتي حوزې د لوی مدير محمد افضل له لوري پر مخ وړل کېده، شاوخوا يو سل او پنځوسو کسانو گډون کړی ؤ او د مالياتو د ارزښت، مالياتي قوانينو، طرزالعملونو، لارښودونو، سيسټمونو، ريفورمونو او د ماليې وزارت د عوايدو لوی رياست د برياؤ په اړه يې گډونوالو ته پوهاوی ورکړ.
د ورکشاپ د جوړېدو په اړه گډونوالو خوښي وښوده او په پای کې هغه تبليغاتي توکي چې د ماليې وزارت د عوايدو لوی رياست له لوري چمتو شوي وو، گډونوالو ته ډالۍ شول.