د مالیه ورکوونکو د شکایتونو اورېدلو ریاست د روان کال په دوهمه ربعه کي د مالیه ورکوونکو څخه د ترلاسه سوو شکایتونو څخه ۹۹ قضیې د قانون مطابق تر څېړني وروسته حل او فصل، د ۱۵ شرکتونو قضیې بشپړي ، ۲۹ اعتراضونه د مالیاتي شخړو د حل بورډ ته راجع او د ۷ قضیو په اړه اسناد او شواهد محکمې ته وړاندي کړي دي.
د مالیه ورکوونکو شکایتونو ته پر وخت رسېدنه او د هغو حل او فصل کول د مالیه ورکوونکو د شکایتونو اورېدلو ریاست له لومړیتوبونو څخه دي. یاد ریاست هڅه کوي، چي په دې برخه کي مالیه ورکوونکو ته غوره او مؤثر خدمات وړاندي او د هغوی ستونزي په چټکۍ سره حل کړي، تر څو د مالیاتي سیسټم شفافیت او د مالیه ورکوونکو رضایت تضمین سي.