د عوایدو لوی ریاست غواړي، چي د مالیاتي محاسبینو څخه آزموینه واخلي، د دې ازمویني له پاره د نوملیکني بهیر د ۲۰/۱۲/۱۴۰۳ مي نېټې څخه پیل او تر۲۰/۰۱/۱۴۰۴ نېټې پوري به دوام وکړي.
په آزموینه کي د ګډون شرایط:
• په اقتصاد، محاسبه، ACCA ، CPA، عامه اداره او پالیسي، حقوق، اداره او تجارت کي د لیسانس د فراغت سند ولري.
• رسمي کارکوونکی نه وي.
• جرمي سابقه و نه لري.
• که چیري غوښتونکی په مالیې وزارت کي دنده ترسره کړې وي، د دندي څخه د لري والي او یا منفکۍ ئې باید لږ تر لږه درې کاله تېر سوي وي.
یادونه: مالیاتي محاسبین د اسلامي امارت رسمي کارکوونکي نه دي، بلکي په ازموینه کي تر بریالي کېدو وروسته د عوایدو لوی ریاست څخه د ټاکل سوي فیس په مقابل کي کاري جواز ترلاسه کوي.
مالیاتي محاسبین د شرکتونو او کمپنیو له پاره د فیس په بدل کي د هغوی مالیاتي چاري په مالیاتي ادارو کي مخ ته وړي.
پر شرایطو برابر کسان، کولی سي د لاندي لینک له لاري په آنلاین توګه نوملیکنه وکړي.