د عوايدو لوی رياست د رهبرۍ پلاوي اوونيزه غونډه وکړه
10 قوس 1401
۶ جماديالأول ۱۴۴۴ سپوږميز/ ۹ لیندۍ ۱۴۰۱ لمريز
د ماليې وزارت د عوايدو لوی رياست د رهبرۍ پلاوي اوونيزه غونډه د دغه رياست د لوی رئيس ښاغلي معراج محمد معراج تر رياست لاندې د اړوندو رياستونو د رئيسانو او آمرينو په برخې اخيستو د گمرکونو او عوايدو معينيت د غونډو تالار کې جوړه او ترسره شوه.
په دې غونډې کې پر:
۱. د تېرې غونډې مينوټ ته کتنه؛
۲. د عوايدي پلان د تحقق په اړوند راپور؛
۳. په سيسټم کې د ارقامو د تنظيم له پاره د اړوندو رياستونو د چارو او کړنو له پرمختگ څخه د ډاډېينې د تر لاسه کولو له پاره د رياستونو د (KPI) اړوند گزارش؛
۴. په مالياتي سيسټم کې د نويو دوسيو د ثبت او د د (KPI) گزارش پر بنسټ د تکراري دوسيو له پاره د حل لارې؛
۵. د عوایدو لوی رياست د محترمې رهبرۍ د ۱۴۴۴/۴/۲۱ نېټې د يوولسمې گڼې ناستې (۱- ۶) موضوعاتو د لارښود او د ۱۴۴۴/۴/۱۴ نېټې د لسمې گڼې ناستې د (۱- ۴) موضوعاتو د لارښودونو پر بنسټد ۱۴۰۲ لمريز کال د تشکيلاتي طرحې وړاندې کول؛
۶. په مالياتي سيسټم کې د ۱۴۰۰ او ۱۴۰۱ مالي کلونو د (۴۲۰) شا و خوا بنسټونو تکراري دوسيې؛
۷. د ادارو د کړنو د ارزونې او د کيفيت د تضمين په موخه د مېکانيزم رامينځته کول؛
۸. په بررسۍ کې د اړينو اسانتياؤ رامينځته کول؛
۹. د منول (قلمي) تعرفې پر چاپ او وېش؛
باندې بحثونه، د نظرونو تبادله او پرېکړې وشوې او د عوايدو لوی رياست د رهبرۍ له لوري د فوق الذکر موضوعاتو په اړه اړينې لارښوونې وشوې.