د عوايدو لوی رياست د رهبرۍ اوونيزه غونډه جوړه او ترسره شوه
5 عقرب 1401
۳۰ ربیع الاول ۱۴۴۴ سپوږميز/ ۴ لړم ۱۴۰۱ لمريز
د ماليې وزارت د عوايدو لوی د رهبرۍ پلاوي اوونيزه غونډه د دغه رياست د لوی رئيس ښاغلي معراج محمد معراج تر رياست لاندې او د اړوندو برخو د رئيسانو او آمرينو په برخې اخيستو سره د گمرکونو او عوايدو معينيت د غونډو په تالار کې جوړه او ترسره شوه.
په دې غونډې کې:
۱. د مخکېنۍ غونډې د مينوټ کتنه؛
۲. د عوايدو پلان د تحقق په اړوند گزارش؛
۳. په سيسټم کې د ارقامو د تنظيم له پاره د اړوندو رياستونو د چارو او کړنو له پرمختگ څخه د ډاډېينې د تر لاسه کولو له پاره د رياستونو د (KPI) اړوند گزارش؛
۴. د عوايدي کسر څخه د وتلو په اړوند د پرېزنټېشن وړاندې او همدا راز د عوايدو لوی رياست د رهبري پلاوي د ۱۴۴۴/۰۳/۲۰ نېټې د (۸) گڼې غونډې د لومړنۍ موضوع د پرېکړې پر بنسټ د ټاکليو عوايدي اهدافو د تر لاسه کولو له پاره وړانديزونه؛
۵. په سيسټم کې د (0.5) سلنې نوي نورم پر بنسټ د اصنافو له دقيق ثبت څخه د ډاډېينې د تر لاسه کولو په برخې کې د ۱۴۰۱ کال د اصنافو د مالياتو د تثبيت او درجه بندۍ د بهير په اړه د رهبري پلاوي د ۱۴۴۴/۰۳/۲۰ نېټې د (۸) گڼې غونډې د څلورمې موضوع د پرېکړې پر بنسټ د هېواد په پلازمېنې او ولايتونو کې د (0.5) سلنې نوي نورم پر بنسټ په سيسټم کې د اصنافو د ثبت شويو ارقامو په اړوند د گزارش وړاندې کول؛
۶. د قطعيې او عوايدو په گزارشونو کې د سيسټم تنظيم؛
۷. د عوايدو لوی رياست د رهبري پلاوي د ۱۴۴۴/۰۳/۱۶ نېټې د (۷) گڼې غونډې د اوومې موضوع د لارښوونې له مخه د باقياتو د موضوع د پلټونکې کمېټې گزارش او د تصويب له پاره غونډې ته د کمېټې د طرحې وړاندې کول؛
۸. د مالياتي محاسبينو مديريت کې د خصوصي شرکتونو د استازيو ثبت او هغوی ته کارتونه ورکول؛
۹. د غيرمالياتي عوايدو رياست د مقررې د مسوې په اړه د تېرې اداري غونډې د لارښوونو د تطبيق گزارش؛
موضوعاتو باندې بحث، د نظرونو تبادله او ځيرنه ترسره شول او د عوايدو لوی رياست د رهبرۍ له لوري د پورتنيو موضوعاتو په اړه اړينې لارښوونې وکړې.