د ملکیت له لېږدېدو څخه مالیه
پر عايداتو د مالياتو قانون درويشتمه ماده لومړۍ او دويمه فقره
د ملکیت له لېږدېدو څخه مالیه
درویشتمه ماده:
(۱) د لاندې شتمنیو د پلورلو، تبادلې یا د ملکیت د نورو هر ډول لېږدېدو له درکه تر لاسه شوې گټه د مالیې وړ گټه ګڼل کېږي:
۱- د سرقلفۍ په شمول د کسب یا سوداگرۍ پرېښودل.
۲- د تجهیزات، ماشین آلاتو، ودانیو، ځمکې (اراضۍ) او یا د هغو د اجزاؤ په شمول فابریکه.
۳- هغه تجهیزات چې په سوداگریز کار او فعالیت او د اشخاصو او مالونو په حمل او نقل کې استعمالېږي.
۴- په سهامي یا محدود المسؤلیت شرکت کې ونډې.
(۲) له میراث څخه د پیدا شوې منقولې او غیرمنقولې شتمنۍ له لېږدېدو څخه لاسته راغلې گټه د دې مادې په (۱) فقره کې له درج شوي حکم څخه مستثنی ده.