د مالياتي محاسبينو د درېيم پړاو ازموينه واخيستل شوه
17 اسد 1400
د مالياتي محاسبينو د درېيم پړاو رقابتي ازموينه د ۱۴۰۰ لمريز د زمري مياشتې پر ۱۶ د شنبې پر ورځ د ماليې وزارت د گمرکاتو او مالياتو آکاډمۍ کې له ۴۵ غوښتونکيو څخه چې مخکې له مخکې يې نومليکنه کړې وه، واخيستل شوه.
د ماليې وزارت د عوايدو لوی رياست تخنيکي مرستيال ښاغلي عبدالولي نوري د رقابتي ازموينې د اخيستلو په اړوند خوښ شو او د ازموينې گډونوالو ته يې د پوښتنو او د ازموينې د مېتود په اړه هراړخيز معلومات وړاندې کړل.
د ازموينې د پايلو تر اعلان وروسته به هغو گډونوالو ته چې په رقابتي ازموينې کې بريالي شي، د مالياتي محاسب تصديقليک ورکړل شي.